~*¤ô§ô¤*~ شباب برشوم ~*¤ô§ô¤*~
اهلا بكم زوارنا الكرام تشرفنا بزيارتكم ونتمنى التفاعل منكم

~*¤ô§ô¤*~ شباب برشوم ~*¤ô§ô¤*~

شباب برشوم
 
الرئيسيةالتسجيلدخول

شاطر | 
 

 فعلا هو ده حالنا

اذهب الى الأسفل 
كاتب الموضوعرسالة
BESHOO
عريس المنتدى
avatar

المساهمات : 544
السن : 31
الجنس : ذكر
العنوان : برشوم الصغرى - طوخ - القليوبيه
الابراج : الجوزاء
المزاج : زى الفل
تاريخ التسجيل : 28/05/2009
الهوايه : عامر جروب

مُساهمةموضوع: فعلا هو ده حالنا   الإثنين فبراير 21, 2011 10:50 am

وأنا فى الميكروباص
بجوارى كائن مريخى يفسر لى سبب مجيئه إلى الأرض
حينما سألته سؤالا مباشرا: - إنت جاى تعمل إيه فى كوكب الأرض -
رفع حاجبه المريخى فىدهشة:
هم بتوع الكواكب الأخرى لما بييجوا الأرض بيعملوا إيه
بيغزوها طبعا (قلت مبتسما ثم مستطردا): وطبعا جاى تجمع معلومات.

-
أكيد،لازم أشوف الوضع على الطبيعة قبل ما أعطى الصواريخ إشارة البدء
أصل إحنا فى حرب مع كوكب الزهرة وخفنا يحتلوا الأرض ويحاصرونا
فقلنا نسبقهم.
وبعد ماتحتلونا حتقتلونا؟
فى كبرياء غاضب كمن أُهين إهانة لا تُغتفر
إحنا كائنات متحضرة، وأخلاقنا المريخية عالية أوى، وبحكم أعباءالاحتلال حنكون مسؤولين عنكم بالكامل.
فى فرحةغامرة
بتتكلم جد؟
يعنى حتأكلونا؟
فقال فى تأكيد: أكلكم، شربكم، سجايركم، كل حاجة علينا.
أصافحه فى حرارة شديدة

اسمح لى باسم شعب مصرأقول لكم إننا بنرحب بالغزو، ويا أهلا، ويا ميت مرحبا.

متفاجئا: بتقول إيه؟
يعنى مش حيكون فيه مقاومة؟، فقلت له: إطلاقا

ناظرا فى ارتياب
اسمح لى، من واجبى إنى أنقل لهم كلام دقيق. إنت بتتكلم باسمك ولا باسم شعب مصر؟

-
حاخليك تسمع بنفسك صوت الشعب
(بصوت عال فى الميكروباص):
يا جماعة، الأخ ده اسمه كوكو وجاى من المريخ، وبيقول إنهم جايين يحتلونا، وأكلنا وشربنا وسجايرنا عليهم،

قلتوا إيه؟

صياح جماعى
هيييييييييه
(طبول تظهر فجأة فىأيدى الركاب)
مريخ مريخ، وحنتعشى، حنتعشى..
صوت يقود المجموعة تنتخبوا مين
صوت جماعى كوكو وحبيبكم مين؟ كوكو.
فى ذهول يا جماعة أنا باشكركم على مشاعركم الفياضة تجاه شعب المريخ الصديق.
بس المفروض تقاوموا وترفضوا
- هو احنا لاقيين حد يأكلنا!

المهم أديك سمعت رأى الشعب. كلمهم بسرعة وقللهم يركبوا صواريخهم وييجوا.

مترددا وهو يخرج جهازاللاسلكى
هنا كوكو
ولو انى مش فاهم حاجة
لكن تعالوا!
وتنطلق عربة الأصوات فى شوارع مصر،
والناس كلها فى فرحة عارمة
فيما عدا
سيدة واحدة
لا تشارك فى الاحتفال ويبدو عليها الغضب الشديد
ترى ما حكاية هذه السيدة؟

الوضع كما يلى:
المرح يسود الميكروباص
كوكو يرمق فرحتنا فى دهشة
سيدة لاتشارك فى الاحتفال وقد بدا عليها الغضب الشديد
ثم تصرخ طالبة بأن يتوقف هذا
الهُراء.

ليه يا مدام؟ قلت لها متسائلاً

قالت بصوت غاضب: أنا مش موافقة على التهريج اللى بيحصل ده.

وحضرتك بتتكلمى بصفة إيه يا مدام ( قلت متفلسفا)
ما هى الناس مبسوطة قدامك أهه!.
وهنا حدثت المفاجأة المذهلة.
وجدنا السيدة تتلاشى ثم تتحول إلى حورية شديدة الجمال لا نظير لها على كوكب الأرض.
ساد الصمت الذاهل لثوان ثم قطعته الفاتنة
بقولها: أقدم لكم نفسى:
زوزو من كوكب الزهرة.

وعلى الفور بدأت الطبول ترن فى أيدى الركاب،

ولكن بنداءمختلف:

زوزو.. زوزو.

فانحنت الحورية فى حركات استعراضية، وأرسلت القبلات فى الهواء لركاب الميكروباص وقالت:

قولوا ورايا: فليسقط المريخ.

ركاب الميكروباص وقد انقلبوا على كوكو
فليسقط المريخ

الزهرة يعيش، الزهرة يعيش، كوكب المريخ ما يلزمنيش

الزهرة يعيش، الزهرة يعيش، كوكب المريخ ما يلزمنيش

كوكو مذكرا يا جماعة الأكل .. السجاير.

ينقلب الهتاف فورا كوكو.. كوكو.. مريخ.. مريخ

تقول زوزو بصوت عال:

الزهرة حتديكم أنابيب البوتاجاز ببلاش.

تدوى الطبول زوزو، زهرة.

كوكو قرارات علاج على نفقة المريخ ؟


تدوى الطبول
كوكو.. مريخ.

زوزو حفلات مجانية لأليسا ونانسى وهيفاء.

هياج فظيع هييييييييييه خلى بالك من زوزو.

كوكو يقترب من زوزو قائلا
بأقولك إيه
ما تسيبك من المجانين دول
دول عالم ما ينضمنوش
وشايلين الطبول حتى وهم رايحين الشغل وبيصقفوا لأى حد.

زوزو فى حيرة والله عندك حق
أنا مستغربة من اللى بيحصل ه
ما تيجى نعقد صلح بين المريخ والزهرة ونخلع من الكوكب الملعون ده خالص؟.

نظرت إليه فى دلال تتجوزنى؟.

كوكو يفتح اللاسلكى أوقفوا الغزو..
الناس هنا مالهمش نظام ومش مضمونين

وأوقفوا الحرب مع الزهرة كمان، إحنا خلاص اتصالحنا

يقذف باللاسلكى من النافذة ويلتفت إلى زوزو قائلا

أموت أنا.

ركاب الميكروباص يغنون فى سعادة فائقة وقد نسوا الأمر برمته

اتمخطرى يا حلوة يا زينة، يا وردة من جوه جنينة.

وتنطلق عربة الأصوات بالسعداء الذين يصفقون لأى شىء وكل شىء
وتستمر الحياة فى مصر على دقات الطبول كالمعتاد
الرجوع الى أعلى الصفحة اذهب الى الأسفل
Zico Ali
المدير
المدير
avatar

المساهمات : 4364
السن : 29
الجنس : ذكر
الابراج : الحمل
المزاج : الحمد لله 100فل
الموقع : شباب برشوم
تاريخ التسجيل : 01/01/2009
الهوايه : النفس تجذع ان تكون فقيره , والفقر خير من غنى يطغيها وغنى النفوس هو الكفاف فان أبت فجميع مافى الارض لا يكفيها .......

مُساهمةموضوع: رد: فعلا هو ده حالنا   الإثنين فبراير 21, 2011 12:59 pm

والله عندك حق يا بيشو دا حال ناس كتير ف مصر ودا اللى بسببه يا عالم الحياه اللى جايه هيكون شكلها ايه




قلوبنا تعيش...
لأن الأمل وراء الجبل..
والشمس قادمة..
والليل سيرحل
وإن أمطرت السماء بغزارة
فإن السيول ستجف يوما ما
وإن عصفت الرياح شديدة
فستهدأ بعد لحظات

قلوبنا تعيش...
لأنها غدا ستموت..
وسترحل ..وتهاجر..
وسيبكيها من أحبّنا..
وتبكينا الليالي التي عشنا معها طويلا..
ولتبقى أسماؤنا في صفحات الأيام..
وتبقى حروفنا منقوشة في دفاتر الذكريات
الرجوع الى أعلى الصفحة اذهب الى الأسفل
اشرف شحات
برشومى متقدم
avatar

المساهمات : 504
السن : 44
الجنس : ذكر
العنوان : برشوم
الابراج : العقرب
المزاج : الحمد لله
تاريخ التسجيل : 19/08/2010

مُساهمةموضوع: رد: فعلا هو ده حالنا   الإثنين فبراير 21, 2011 11:10 pm

ههههههههههههههههههههههههههههههههههههههههههههههههههههههههههههههههههههههههههههههه

هم يضحك وهم يبكى
الرجوع الى أعلى الصفحة اذهب الى الأسفل
 
فعلا هو ده حالنا
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
~*¤ô§ô¤*~ شباب برشوم ~*¤ô§ô¤*~ :: المنتدى العام :: مواضيع دمها خفيف-
انتقل الى: